Sommaren 2025

Etter ein del fram og tilbake og litt for kort tid til å få alle formalitetar på plass, måtte me avslutta planen om å få Jøsenfjord slept til Fjordsteam i Stavanger i sommar. Det sto ikkje på verkstedet på Fartøyvernsenteret, dei gjorde forberedningar klare, og me fekk rydda båten, så noko nyttig kom det likevel ut av det.

Saksar frå månedsrapporten for feriemånadane juni/juli:

Vinduene i salongen er lysventiler/koøyer montert for å hindre sjøsprøyt under slepet til Stavanger. Nye glas er komne og skal erstatte dei som er knuste.

Her blir gummilistene kappa 2 mm for lange for at dei skal "gå seg til" og slutte tett i skjøten.

Kasper monterer den ferdige ruta. Den sit så langt inne i skrogsida at verktøyet til sprenglister ikkje kom til.

Bildekket. sprenglista med profil settes i. Her kom monteringsverktøyet lett til. Lista må sitte i og stikke ut ei stund før ho blir kappa i rett lengde. Dette fordi under monteringa dreg ein i henne og så må ho få trekke seg til før ho blir kappa.

Lakkering og montering av dører Døra ned til mannskapslugarane og døra inn til salongen på hoveddekket (Årdalstova) blei lakka og isette. Og den vesle trappa og rekkverket frå bildekket og ned til gangen på hoveddekket er montert.

Gammal dør og beslag, (men nye skruar).

Sveising og klinking. Riksantikvaren kravde at dekket måtte vera gjennomgåande slik det var før, Derfor måtte ein skjera ut stålet nederst og sveisa det i igjen etter at dekket var lagt.

Her har smeden Lars Ystanes, sveist og klinka.

Slik ser det ut på innsida, ferdig klinka og nymalt.

Dei gamle klinkeholene rundt casingen passa ikkje, så r.antikvaren R.Tørnqvist, godkjende at vinkelen blir lagd heilt ned mot dekk, og at det blir lagd nye holer for klinkinga.

Vidare arbeid.

Nå står arbeidet med å legge brudekket/båtdekket. Her ligg stablar med oregon pine som skal høvlast til rett dimensjon dekksplank, og frese nat og drevstopp i dei.