Å innrede rom inne i eit stålkammer byr på andre utfordringar enn i eit trehus.

I mai månad er det meste av isolasjon og kledning med panel langs skutesidene utført. Etter råd frå Riksantikvaren blei isolsjonsmattene lagt slik at dei ikkje ligg direkte mot stålet. Bileta viser best korleis det blei gjort. (Bileta tekne av Morten Hesthammer, Hardanger Fartøyvernsenter)

Ved kneplatene (trekanta stålplater som bind saman spant og dekksbjelkar) må det litt ekstra triks til, Erik får det til.

Her ser me spikerslag med fullt av hakk for å få til å bøya dei etter forma på spantet.

Litt makt må til for å få det til å passe.

Litt akrobatikk for å nå heilt oppunder dekk der det skal lagast luftespalter.

Spikerslag og utforing for luftespalter er på plass.

Skutesidene er isolerte, og papp er lagt på innsida av spanta. Den vesle "hytta" i bakgrunnen er huset for styremaskinen.

Her er Emilie i full sving med panelet.

Også skottet mellom salongen og maskinrommet blir kledd med panel.

Nå gjenstår berre romdelinga.